Verulegar
Listasafn Árnesinga / LÁ Art Museum |
2017-09-23 - 2018-02-25
„Verulegar“ nefndist sýning Guðrúnar Tryggvadóttur og Brynhildar Þorgeirsdóttur í Listasafni Árnesinga en sýningin opnaði þ. 23. september 2017. Sýningin átti að standa til 17. desember en var framlengd til 25. febrúar 2018.
Sýningunni er ætlað að kynna myndlist Brynhildar Þorgeirsdóttur og Guðrúnar Tryggvadóttur sem skapað hafa sér sérstöðu með persónulegum, heilsteyptum myndheimi. Brynhildur mótar kynjaverur, fjöll og landslag meðal annars úr steinsteypu og gleri en Guðrún málar veruleika kynslóða og orku í tíma og rúmi með olíulitum á striga.
Flest verkanna eru unnin á síðustu þremur árum en einnig eru á sýningunni verk frá upphafi ferils þeirra þar sem greina má tíðaranda níunda áratugarins þegar form og inntak verkanna birtu viðhorf í andstöðu við hefbundna myndlist þess tíma.
Sýningarstjóri er Inga Jónsdóttir safnstjóri en Heiðar Kári Rannversson listfræðingur ritar grein í sýningarskrá sem gefin er út um sýninguna. Sjá sýningarskrána.
Opið daglega kl. 12 - 18 í sept. Frá og með okt. opið fim. - sun. kl. 12 - 18. Aðgangur er ókeypis.
Guðrún Tryggvadóttir
F. 1958. Guðrún nam myndlist í Myndlista- og handíðaskóla Íslands 1974-78, École Nationale Supérieure des Beaux-Arts í París 1978-79 og Akademie der Bildenden Künste í München 1979-83.
Hún hefur haldið fjölda sýninga, hér heima, í Evrópu og Bandaríkjunum og hlotið fjölda viðurkenninga, bæði fyrir myndlist sína og fyrir störf sin á sviði nýsköpunar en hún hefur verið frumkvöðull á ýmsum sviðum; stofnað og rekið myndlistarskóla og listræna hönnunarstofu sem hún rak í Þýskalandi og hér heima um árabil. Guðrún stofnaði einnig og rak umhverfisvefinn Náttúran.is um 10 ára skeið en hún hefur verið í framvarðasveit fyrir umhverfisfræðslu á Íslandi frá því að hún flutti aftur til landsins árið 2000.
Aðal efniviður í myndlist Guðrúnar í dag er olía á striga en málverk hennar byggja á hugmyndafræðilegum grunni, eru mjög persónuleg og snúast um það að myndgera tímann og efnið og tengsl kynslóða og alheimsins. Verk eftir Guðrúnu er að finna í opinberum söfnum bæði hérlendis og erlendis.
_small.png)
_small.png)
_small.png)
_large_small.png)
_small.png)