Rými – Myndmenntaskóli, verkstæði, gallerí
Listhús í Laugardal | 1992-09-01 - 1993-05-30

photos

Tveir nemendur í RÝMI myndmenntaskóla fá viðurkenningarskjöl fyrir góðan námsárangur.
Á myndinni er talið frá vinstri; Gabríela Friðriksdóttir og Guðrún Tryggvadóttir skólastjóri í miðið. Nafn stúlkunnar til hægri á myndinni verður fært inn síðar.

photos

Guðrún á fyrstu sýningunni í RÝMI í ágúst 1992 þar sem verk leiðbeinanda á fyrstu námskeiðum skólans voru sýnd.

photos

Bæklingur RÝMIS fyrir vorönn 1993.
Din A5, A-hlið, 4 bls. af 8.

NEMENDUR RÝMIS HAFA ORÐIÐ:

CHANETTE KROGSHEDE NIELSEN
Nemandi í TEIKNUN 2 og MÓDELTEIKNUN og MÁLUN.
- Námskeiðin hafa verið mjög lærdómsrík og það er sérstaklega gott að fá leiðsögn hjá kennara sem veit hvað hann er að tala um og getur komið því til skila á jákvæðan hátt. Námskeiðin hafa opnað mér leið til að tjá mig með alls konar tækni og ég hef lært að horfa á nýjan hátt. Hópandinn hefur verið mjög góður, maður lærir svo mikið af að sjá hvað hinir vinna allt öðruvísi en maður sjálfur -

MÁLFRÍÐUR GARÐARSDÓTTIR
Nemandi í TEIKNUN 1 og MÁLUN 1.
- Námskeiðin hafa komið mér af stað í því sem mig hefur langað til að gera, lærði ég ótrúlega margt. Kennslan er opin og skemmtileg,  það er tekið vel í allar hugmyndir. Maður lærir að tjá sig og sýna öðrum myndirnar sínar og það var nokkuð sem ég þurfti mikið á að halda -

MARGRÉT HAUKSDÓTTIR
Nemandi í MÁLUN 2
- Námskeiðið hefur verið mjög fræðandi og hefur einnig hjálpað mér að finna mér farveg og öryggi í myndgerð minni -

LINDA BJÖRG ÁRNADÓTTIR 
Nemandi í MÁLUN 2
- Mér finnst námskeiðið hér í Rými hafa verið öðruvísi námskeið þar sem fólk gerir það sem það langar til og hefur það verkað mjög hvetjandi á mig -

MÁR ÖRLYGSSON
Nemandi í TEIKNUN 2
- Ég hef alltaf haft gaman af að teikna og mála og nú í haust ákvað ég að fara á námskeið og fá tilsögn. Rými varð fyrir valinu og tel ég það hafa verið mjög góðan kost því ég hef haft mjög gaman af námskeiðinu og lært margt nýtt í vetur -

HELENA HÁKONARDÓTTIR
Nemandi í TEIKNUN 2
- Það sem mér finnst best við myndlistarkennslu Rýmis er hversu gott jafnvægi er á milli þeirra leiðbeininga og  þess aðhalds sem hverjum er veitt og þess svigrúms sem hver og einn fær til að tjá sig og sýna hvað hann getur -

KARL EMIL GUÐMUNDSSON
Nemandi í TEIKNUN 2, MÓDELTEIKNINGU OG MÁLUN
- Á námskeiðunum hef ég náð auknum framförum í módelteikningu, einnig góða þjálfun í því að skynja form og ná valdi á teikningunni -

SIGMAR VALGEIR VILHELMSSON
Nemandi í GLERLIST.
- Ég lauk námi úr Myndlista- og handíðaskóla Íslands árið 1982 og hafði mér aldrei svo mikið sem dottið í hug að fara að vinna í gler. Vinkona mín skráði mig á glerlistarnámskeið að mér forspurðum og hef ég nú dottið inn í nýjan og spennandi heim. Glerið býður upp á óendanlega möguleika og námskeiðið hefu rverið í einu orði frábært -

photos

Bæklingur RÝMIS fyrir vorönn 1993.
Din A5, B-hlið, 4 bls. af 8.

Dæmi um námskeið sem haldin voru í RÝMI á vorönn 1993:

Teiknun, málun og mótun, 13-16 ára - Leiðbeinandi: Sóley Eiríksdóttir.
Teikning 1A, byrjendanámskeið. Leiðbeinandi: Harpa Björnsdóttir.
Teikning 1B, byrjendanámskeið. Leiðbeinandi: Guðrún Tryggvadóttir.
Teikning 2 og blönduð tækni. Leiðbeinandi: Guðrún Tryggvadóttir.
Teikning 3 og blönduð tækni. Leiðbeinandi: Guðrún Tryggvadóttir.
Módelteikning og málun. Leiðbeinandi: Guðrún Tryggvadóttir.
Módelteikning án leiðbeinanda.
Dagskóli. Leiðbeinandi: Guðrún Tryggvadóttir. Markviss undirbúningur fyrir inntökupróf í myndlistaskóla.
Skúlptúr 1. Leiðbeinandi: Ragnhildur Stefánsdóttir.
Glerlist 1A. Leiðbeinandi: Jónas Bragi Jónasson.
Glerlist 1B. Leiðbeinandi: Jónas Bragi Jónasson.
Glerlist 2. Leiðbeinandi: Jónas Bragi Jónasson.
Kvikmyndun 1. – Leiðbeinandi: Þorvarður Árnason. Fyrsta námskeiðið sem haldið var í kvikmyndagerð hér á landi.
Videó – Kennari: Þorvarður Árnason.
Tölvugrafík – Leiðbeinandi: Tryggvi G. Hansen. Fyrsta tölvugrafíknámskeiðið sem haldið var hér á landi. Haldið í samvinnu við Nýherja.
Málun 1, olíumálun – Leiðbeinandi: Guðrún Tryggvadóttir.
Málun 2, olíumálunn – Leiðbeinandi: Guðrún Tryggvadóttir.
Málun 3, vatnslitamálun – Leiðbeinandi: Sigrid Valtingojer.