LISTRÝMI – haustönn 2026
Mánamörk 3-5, 810 Hveragerði | 2026-07-09 - 2026-11-30

„Ég kenni þér ekki að herma eftir mér heldur kenni ég þér að finna þína eigin leið að persónulegu myndmáli“

Allir velkomnir – allir geta teiknað og málað!

MÓDELTEIKNUN – og málun

Á þessu námskeiði er áhersla lögð á að módelteiknun skiljist sem sá grunnur fyrir alla listsköpun, sem hún er. Teiknað verður eftir lifandi módeli í allskonar stellingum, í allskonar efni, á allskonar hátt. Aðaláhersla verður lögð á gleði, flæði, tilgerðarleysi og persónulega tjáningu með það að markmiði að skynja mannslíkamann, sem endurspeglar auðvitað öll þrívíð form í þessum heimi.

Laugardagana 5., 12., 19. og 26. september frá kl. 12:00 - 16:00.
Samtals 21 kennslustund. Þátttökugjald: 68 þús. kr.

HUGMYND – verður mynd

Námskeið fyrir fólk á öllum aldri, alla sem fást eitthvað við myndlist og hafa einhverja reynslu en hafa kannski rekið sig á að þróun hugmyndar að fullbúinni mynd þurfi frekari pælinga við. Ef þú hefur áhuga á að læra meira um hvernig fanga má hugmyndir og þroska áfram í myndmáli þá ertu velkomin/n í þetta námskeið. 

Fimmtudagarnir 1., 8., 15. og 29. október frá kl. 17:30 - 20:30.
Samtals 16 kennslustundir. Þátttökugjald: 54.000 isk.

LISTMÁLUN – að láta efnið tala

Á námskeiðinu verður farið í hinar ýmsu tækniaðferðir og efnablöndun í olíumálun sem og aðferðir við undirbúning, undirmálun með akrýl, lagskipta málun, pastos málun, úðamálun (spray) og fleiri aðferðir og stíla.
Námskeiðið er hugsað fyrir fólk sem hefur þegar snert eitthvað á olíulitum og akrýl en vill auka við kunnáttu sína og tengja efnisnotkunina betur hugmyndinni sem unnið er út frá hverju sinni. 

Laugardagarnir 17., 24., 31. október og 7. nóvember frá kl. 12:00 - 16:00.
Samtals 21 kennslustund. Þátttökugjald: 68 þús. kr.

VATNSLITAMÁLUN – vatn - hugur - litur

Galdurinn að mála með vatnslitum. Kafað verður í lita- og formfræðina, á efnislegan, táknrænan og persónulegan hátt. Unnið út frá verkefnum og eigin hugmyndum. Nemendur komi með eigin liti og pensla en gjarnan er ráðlegt með kaup á efni fyrir þá sem vilja.

Fimmtudagarnir 5., 12., 19. og 26. nóvember frá kl. 17:30 - 20:30.
Samtals 16 kennslustundir. Þátttökugjald: 42 þús. kr.

..........

Leiðbeinandi: Guðrún Arndís Tryggvadóttir
Guðrún Arndís Tryggvadóttir nam við Myndlista- og handíðaskóla Íslands, École Nationale Supérieure des Beaux-Arts í París og Akademie der Bildenden Künste í München. Hún stofnaði listaskólann RÝMI, hönnunarstofuna Kunst & Werbung í Þýskalandi og umhverfisvefinn Náttúran.is nature.is og hefur rekið LISTRÝMI sl. fimmtán ár, fyrst innan veggja Listasafns Árnesinga en síðan á eigin vinnustofum.

Guðrún elskar að kenna meðfram myndlistarstarfi sínu en námskeiðin fara fram í rúmgóðri vinnustofu Guðrúnar að Mánamörk 3-5 í Hveragerði.

Sjá nánar um feril og verk Guðrúnar á https://tryggvadottir.com/is/profile/

Skráning á gudrun@tryggvadottir.com.

Flestir fræðslusjóðir stéttarfélaga styrkja félagsmenn til þátttöku í námskeiðum.

10% afsl. ef fleiri námskeið en eitt er sótt.